Фудбалската федерација на Македонија (ФФМ) отвора дисциплинска постапка против ФК Шкендија поради нечовечкото однесување на навивачите и поради непочитувањето на минута молк во чест на жртвите од трагедијата во Кочани.
„Овој чин претставува недопустливо непочитување кон загинатите и кон нивните семејства. ФФМ ќе преземе соодветни мерки согласно правилата, со што ќе обезбеди вакви недолични постапки никогаш повеќе да не се повторат. За вакви нелуѓе нема место во фудбалот. Нека се огледаат на Шкендија Арачиново, која покажа достоинство и почит кон жртвите и целокупната ситуација во државата“, стои во соопштението на ФФМ.
Пред неколку недели ФФМ веќе ги испразни трибините со гостински навивачи во Струга поради недолично однесување на навивачите на Вардар.
