Македонија почна билатерални разговори со повеќе земји на ЕУ

Топ Вести - Слушај сега

Проблемот со превозниците на товарен превоз и на патници со влезот и излезот од шенген зоната најверојатно ќе се реши преку издавање годишни визи со повеќекратен влез и излез, изјави премиерот  Христијан Мицкоски, по средбата со странските инвеститори.

- Advertisement -

Мицкоски информира дека во процесот Македонија е проактивна и веќе разговара на билатерално ниво со неколку држави од ЕУ за решавање на проблемот.

-Предизвикот со транспортерите е пред нас и ние ќе мораме да го решаваме. Беше тука комесарот кој е задолжен за влез/излез системот. Ние како држава тука сме проактивни, нашата дипломатија и министерствата за внатрешни работи и транспорт работат заедно. Веќе имаме на билатерална основа разговор со неколку држави од Европската Унија кои истовремено се и членки на Шенген зоната, така што најверојатно начинот на кој ќе се реши тој проблем, ќе биде преку издавање годишни визи со повеќекратен влез и излез од Шенген зоната – рече Мицкоски.

Тој потсети дека транспортерите не ги опфаќаат само карго превозниците, туку и патничкиот сообраќај.