Македонец загина во сообраќајка кај Цирих

Куќа на тивка улица во Шлиерен станала сцена на ужас доцна во саботата кога автомобил со повеќе од 500 коњски сили се забил во нејзиниот ѕид. Во внатрешноста, 39-годишен државјанин на Македонија, патник во возилото, се борел за живот додека возачот и уште еден сопатник избегале, јавија швајцарските медиуми.

Возачот, за кој исто така се вели дека е државјанин на Македонија, утрото во неделата, 30 ноември, се предал на кантоналната полиција во Цирих. Притоа признал дека управувал со огромна брзина низ зона каде што ограничувањето на брзината е 30 километри на час.

Возачот соборил улична светилка, поминал покрај дрво и се удрил челно во предниот дел на куќата.

- Advertisement -

Другиот сопатник, жена, уште е во бегство.

Maкедонецот кој се борел за живот во возилото подоцна во недела им подлегнал на повредите во болница.

Случајот го истражуваат кантоналната полиција и окружното обвинителство на Цирих-Сил.