Лука Модриќ нездоволен од пристапот на дел од соиграчите на неговиот последен натпревар во Реал Мадрид лут го напушта клубот. Поразот од ПСЖ со 4:0 е само еден неубав момент во неговата блескава кариера во дресот на „кралскиот клуб“ каде за 13 години освои 28 пехари, а шест од нив Лигата на шампионите.
Хрватскиот репрезентативец по завршувањето на натпреварот бил бесен и како капитен на тимот „го кренал гласот“ против две ѕвезди во тимот, па дури и на прошталниот натпревар се покажал како лидер.
По дуелот со ПСЖ имал забелешки за пристапот кон играта кон Винисиус и Џуд Белингем. Едноствно им рекол дека не се труделе доволно пред сè во одбраната, играле без желба за победа и едноставно „се сокриле“ на теренот кога било најпотребно. Тоа не им се допаднало на двајцата кои реагирале и дошло до мал конфилкт на сега веќе поранешните соиграчи.
Тоа беше последен натпревар на Модриќ во дресот на Реал Мадрид, а во новата сезона најверојатно последна во кариерата ќе настапува за италијанската екипа Милан.
