Лавина реакции на социјалните мрежи, што се случува со Путин

Рускиот претседател Владимир Путин стана предмет на потсмев откако телевизиските снимки покажаа необични испакнатини на неговите раменици, токму кога луто држеше говор до Западот за нуклеарно оружје.

Снимката брзо ги преплави социјалните медиуми, а почнаа да се појавуваат разни теории.

Што се случува со рамениците на Путин?

Некои рекоа дека Путин носел панцир под синото сако за време на состанокот на Советот за безбедност. Други се пошегуваа дека почнале да му никнуваат „сатански крилја“.

- Advertisement -

Путин изгледаше борбен, повторувајќи дека е подготвен да употреби нуклеарно оружје доколку Русија се почувствува загрозена.

– Нагласувам, и никој не треба да се сомнева, дека Русија е способна да одговори на секоја постоечка или претстојна закана, и тоа не со зборови, туку со воено-технички мерки – рече тој.

Веднаш следеше лавина од коментари за бизарната снимка на социјалните медиуми.

Поранешниот советник на украинскиот министер за внатрешни работи Антон Герашченко иронично напиша на веб-страницата X.

– Важно е оделото правилно да му стои. На состанокот на Рускиот совет за безбедност, рамената на Путин чудно „скокнаа од јакната“ – истакна Герашченко.

Рускиот претседател се плаши од атентат

Сепак, првата теорија за панцирот изгледа поубедлива, бидејќи Путин е познат по тоа што се плаши од напади и атентати.

Глеб Каракулов, дисидент од Кремљ и поранешен член на елитната безбедносна служба што го чуваше Путин, изјави за „Досие центар“ дека неговиот поранешен шеф живее во постојан страв дека ќе биде убиен.

Каракулов (35) тврди дека Путин имал три идентични канцеларии поставени низ Русија за да може непречено да ги менува локациите во време на криза.