Кандидатите за градоначалник на Охрид го потпишаа Кодексот за фер и демократски избори

ОХРИД – Денес во големата сала на Општина Охрид се одржа традиционалната церемонија за потпишување на Кодексот за фер и демократски избори за локалните избори 2025, организирана од Државната изборна комисија.

Кодексот, кој претставува важен чекор во обезбедувањето на фер и транспарентен изборен процес, го потпишаа четворицата кандидати за градоначалник на градот Охрид.

Потписниците се:

• Асен Шајн, кандидат на коалицијата предводена од СДСМ
• Кирил Пецаков од коалицијата предводена од ВМРО-ДПМНЕ
• Стеван Стефоски од политичката партија Твоја Македонија
• Гоце Цветкоски-Вгета од група избирачи

- Advertisement -

Оваа традиционална церемонија се организира пред секој изборен процес со цел да се промовираат принципите на фер натпревар, демократски вредности и етичко однесување на политичките субјекти во текот на кампањата.

Со потпишувањето на Кодексот, кандидатите се обврзуваат да ги почитуваат демократските принципи, да водат чесна изборна кампања и да придонесат за мирен и транспарентен изборен процес во општината Охрид.

Локалните избори 2025 ќе бидат важeн политички настан за граѓаните на Охрид, кои ќе имаат можност да го изберат својот нов градоначалник и локалното раководство за наредниот мандатен период.