Јулија Навални, сопругата на починатиот руски опозициски лидер Алексеј Навални, изјави дека тестовите на странски лаборатории врз биолошки примероци земени од нејзиниот сопруг покажале дека тој бил отруен.
Алексеј Навални, кој имаше 47 години, почина ненадејно на 16 февруари 2024 година во руски затвор во Арктичкиот круг, оставајќи ја опозицијата без својот најхаризматичен и најпопуларен лидер, објави Ројтерс.
Јулија Навални постојано ги обвинува руските власти за неговата смрт, додека Кремљ ги отфрла овие тврдења како бесмислени.
Таа објави видео на мрежата X, во кое вели дека биолошкиот материјал на Навални бил шверцуван во странство во 2024 година и дека две лаборатории го тестирале материјалот.
„Овие лаборатории во две различни земји дошле до ист заклучок: Алексеј бил убиен. Поточно, тој бил отруен“, рече Јулија Навални.
Таа побара од лабораториите да ги објават своите наоди и не прецизираше каков отров откриле лабораториите.
Минатата година, Навални ги отфрли информациите од руските истражители дека Навални починал од „комбинација од болести“.
Американските разузнавачки агенции заклучија дека претседателот Владимир Путин не го наредил директно убиството на Навални, според Асошиејтед Прес и Волстрит Џурнал.
