Јапонската компанија „Панасоник“ денеска објави дека во текот на тековната фискална година ќе отпушти 10.000 вработени, по 5.000 во Јапонија и во странство

Јапонската компанија „Панасоник“ денеска објави дека во текот на тековната фискална година ќе отпушти 10.000 вработени, по 5.000 во Јапонија и во странство, со цел да се запре падот на профитот преку реструктуирање и пренасочување на операциите кон области со повисок раст.

„Ќе го забрзаме преминот кон попрофитабилни сектори, ќе се потпреме на напредни технологии за вештачка интелигенција и ќе се фокусираме на сегменти што носат раст“, ​​се наведува во официјалното соопштение на компанијата од Осака.

Трошоците за реструктуирање во фискалната година до март 2026 година ќе изнесуваат околу 130 милијарди јени, односно 895 милиони долари.

- Advertisement -

Секторите за индустриски апарати и телевизори, кои бележат низок раст, ќе бидат најпогодени, бидејќи компанијата планира значително да ги намали, па дури и да затвори некои од нив.

„Панасоник“ е еден од клучните партнери на американската компанија „Тесла“ на која ѝ испорачува батерии за електрични автомобили, но промената на приоритетите јасно покажува дека јапонската компанија бара постабилни извори на приход и поголема оперативна ефикасност.