Исхрана и ментално здравје – четири намирници кои ја зголемуваат анксиозноста

Анксиозноста погодува сè повеќе луѓе, а ако тоа влијае на вашиот секојдневен живот, можеби ќе сакате да обрнете внимание на вашата исхрана.

Храната која може да предизвика анксиозност го вклучува следново:

Алкохол
Алкохолот го менува нивото на серотонин и другите невротрансмитери во мозокот, што може да ги зголеми симптомите на анксиозност.

- Advertisement -

Кога ќе исчезнат ефектите од алкохолот, чувството на вознемиреност може да стане уште поизразено.

Умереното консумирање, една до две чаши дневно, обично е безбедно доколку вашиот лекар го одобри. Наместо тоа, размислете за безалкохолно пиво.

Добра алтернатива на алкохолот може да бидат безалкохолни коктели или газирана вода со ароматични адитиви.

Кофеинот
Иако утринското кафе може да биде утешен ритуал, може да ги влоши симптомите кај луѓето склони кон анксиозност. Високите дози на кофеин може да предизвикаат главоболки, напади на паника и зголемена анксиозност.

Освен во кафето, кофеинот го има и во чајот, чоколадото, како и некои лекови, пишува „Healthline“.

Наместо тоа, можете да пробате смирувачки билни чаеви како пеперминт, лаванда или маточина кои се без кофеин.

Додадени шеќери
Додадените шеќери може да придонесат за анксиозност со предизвикување нагли скокови и падови на шеќерот во крвта, што може да доведе до раздразливост и анксиозност.

Студија од 2018 година покажа дека консумирањето премногу шеќер го намалува производството на допамин, што негативно влијае на расположението. пренесува Index.hr.

Покрај слатките, додадените шеќери се кријат во кечапот, преливите за салата, сосовите и житариците за појадок.

Рафинирани јаглехидрати
Рафинираните јаглехидрати, како што се белото брашно, тестенините, белиот ориз и сода, се поврзани со поголем ризик од анксиозност и депресија.

Истражувањата покажуваат дека исхраната богата со рафинирани зрна може да го зголеми чувството на анксиозност.

Наместо тоа, јадете цели зрна, леб и тестенини направени од кафеав ориз, киноа или леќата.