Иранскиот претседател ѝ се заблагодари на единствената членка на НАТО и сојузник на САД

Топ Вести - Слушај сега

Иранскиот претседател Масуд Пезешкијан во средата ѝ се заблагодари на единствената членка на НАТО и сојузник на САД, Шпанија, за спротивставувањето на флагрантните кршења на човековите права, рече тој.

- Advertisement -

„Одговорното однесување на Шпанија во спротивставувањето на флагрантните кршења на човековите права и воената агресија од страна на ционистичко-американската коалиција против земјите, вклучувајќи го и Иран, покажува дека на Западот сè уште постојат етика и разбудена совест“, рече Пезешкијан.

„Ги пофалувам шпанските функционери за нивните ставови“, се вели во неговиот официјален профил на социјалната мрежа X.

За потсетување, американскиот лидер Доналд Трамп во вторникот се закани дека ќе ги прекине трговските односи со Мадрид откако шпанските власти им забранија на САД да користат заеднички воени бази на шпанска територија за напад врз Иран.

По ова брзо следеше одговорот на премиерот на Шпанија, Педро Санчез, кој изјави дека заканите на американскиот претседател нема да го натераат Мадрид да ја поддржи војната на САД и Израел против Иран.

„Ние нема да заземеме став што е спротивен на нашите вредности и принципи од страв од одмазда од другите“, рече Санчез во телевизиско обраќање до нацијата.