Иранец и двајца Египќани силувале жена на плажата во Брајтон

Тројца мажи на возраст од околу 20 години се обвинети за силување на жена на познатата плажа во Брајтон, Велика Британија, соопшти полицијата во Сасекс, објави Скај Њуз.

Настанот се случил на 4 октомври околу 5 часот наутро.

Обвинетите се Карим ал-Данасурт (20) и Ибрахим Алшафе (25) од Хоршем, државјани на Египет, и Абдула Ахмади (25) од Кру, државјанин на Иран. Секој од нив се соочува со две обвиненија за силување.

- Advertisement -

Детективот Енди Харбор изјави дека „истрагата се одвивала брзо и сите тројца осомничени биле идентификувани со темелна работа на истражителите“. Тој ѝ оддаде признание на жртвата за храброста и нагласи дека ѝ е обезбедена специјализирана поддршка.

Обвинетите се во притвор.