Иран ги осуди новите „незаконски“ и „неоправдани“ американски финансиски санкции против субјектите обвинети за продажба на иранска сурова нафта на Кина.
„Одлуката на новата американска администрација да изврши притисок врз Иран со спречување на легалната трговија со економските партнери е нелегитимна, незаконска и насилна мерка“, изјави портпаролот на Министерството за надворешни работи Есмаил Бакеи.
Тој додаде дека оваа мерка е „целосно неоправдана и спротивна на меѓународните правила“.
Американското Министерство за финансии вчера објави дека вовело санкции за поединци и компании кои ја олесниле испораката на иранска нафта во Кина.
