Инвеститорите во исчекување дали Трамп ќе ја реализира заканата кон Иран

Цената на нафтата расте додека се приближува рокот што американскиот претседателот Доналд Трамп му го постави на Иран да постигне договор или да се соочи со засилени напади.

Фјучерсите за суровата нафта Брент се искачија над 111 долари за барел, а американската WTI надмина 115 долари за барел утрово.

Трамп предупреди дека ќе ги таргетира иранските електрани и мостови, ако неговите услови не бидат исполнети до вторник во 20 часот по источно време, вклучително и повторното отворање на Ормускиот теснец.

- Advertisement -

Во меѓувреме, Техеран предупреди дека ќе возврати на потенцијалните американски напади врз цивилната инфраструктура со ескалација на сопствените напади врз енергетските средства во Заливот, што потенцијално ќе го влоши глобалниот недостиг на енергија.

Министерството за надворешни работи на Иран, исто така, го отфрли привременото примирје предложено преку пакистанските медијатори, инсистирајќи на траен прекин на непријателствата и укинување на санкциите како услови за каков било договор.