Идентификувани се телата на сите 40 лица кои загинаа во пожар во бар во швајцарскиот ски-центар Кран-Монтана, кој избувна на новогодишната ноќ

Топ Вести - Слушај сега

Идентификувани се телата на сите 40 лица кои загинаа во пожар во бар во швајцарскиот ски-центар Кран-Монтана, кој избувна на новогодишната ноќ, соопшти полицијата.

- Advertisement -

Жртвите биле на возраст меѓу 14 и 39 години, а 15 жртви биле помлади од 18 години. Најмладите жртви се четиринаесетгодишно девојче од Швајцарија и четиринаесетгодишно момче од Франција.

Меѓу загинатите има државјани на Швајцарија, Италија, Романија, Србија, Турција, Португалија, Франција и Белгија, како и едно лице со државјанство на Обединетото Кралство, Франција и Израел.

Покрај 40-те загинати, повредени се и 119 лица, од кои повеќето со тешки изгореници. Шестмина од повредените се во толку сериозна состојба што сè уште не е можно да се утврди нивниот идентитет.

Покрената е кривична истрага против брачен пар од Франција, сопственик на барот „Le Constellation“.

Според прелиминарните наоди, најверојатно пожарот е предизвикан од искри од прскалки за шишиња, кои биле премногу блиску до таванот.

Полицијата соопшти дека нема да објави дополнителни информации за идентификуваните жртви од почит кон нивните семејства.