Хрватски пратеник ги провоцира радикалите со фотографија во својот кабинет

Пратеникот од СДП, Арсен Баук, на „Фејсбук“ објави фотографија од Фрањо Туѓман облечен во партизанска униформа, со петокрака на капата – слика што ја држи во својот кабинет – и напиша:

„Ги повикувам сите што извикуваат „За дом спремни“ да дојдат да ја симнат. Ако им не е „деликатно“.

Баук уште во 2016 година соопшти дека во својот кабинет поставил фотографија од Туѓман во партизанска униформа.

- Advertisement -

Туѓман одигра клучна улога во создавањето на хрватската држава, а токму денеска се одбележува 26-годишнината од неговата смрт. За време на Втората светска војна, Туѓман бил дел од партизанското движење. По војната ја градел својата воена кариера. До 1953 година работел како понизок офицер, по што станал раководител на Канцеларијата за одбрана, а во 1959 година ја добил чинот генерал-мајор во југословенската армија.