Харвард поднесе тужба против администрацијата на Трамп

Универзитетот Харвард поднесе тужба против администрацијата на поранешниот американски претседател Доналд Трамп, поради одлуката со која му се забранува да запишува странски студенти. Тужбата е поднесена денеска до федералниот суд во Бостон.

Во судскиот поднесок, Харвард наведува дека владината мерка ги крши уставните права според Првиот амандман и дека таа одлука може да има „непосредни и катастрофални последици за Универзитетот и за повеќе од 7.000 странски студенти од околу 100 земји во светот“.

„Со една потпис на Владата се избришани речиси 25% од студентското тело – токму странските студенти кои играат клучна улога во академската мисија на Харвард“, се наведува во тужбата.

- Advertisement -

Министерството за внатрешна безбедност, пак, возврати со обвинувања дека Харвард создава небезбедна средина на кампусот, дозволувајќи активизам кој, според нив, има „антиамерикански и протерористички“ карактер. Министерството тврдеше дека еврејските студенти биле мета на напади во рамки на некои протести.

Дополнително, од Министерството тврдат дека Харвард соработувал со Кинеската комунистичка партија, алудирајќи дека во 2024 година Универзитетот примил и обучил членови на кинеска паравоена организација – тврдење кое Универзитетот досега не го коментираше.

Секретарката за внатрешна безбедност, Кристи Ноем, изјави дека Харвард ќе може да го врати правото за запишување странски студенти само ако во рок од 72 часа достави детална евиденција за сите странски студенти, вклучително и снимки и документи за нивната вклученост во какви било протести или активности на кампусот.