Хали Бери ќе се мажи со својот долгогодишен партнер Ван Хант

Топ Вести - Слушај сега

Хали Бери потврди во гостувањето во шоуто на Џими Фалон дека е верена со долгогодишниот партнер Ван Хант.

- Advertisement -

По три неуспешни брака, таа сè уште верува во љубовта. Познатата актерка потврди дека имало недоразбирање дека таа ја одбила брачната понуда на нејзиниот долгогодишен партнер, музичарот Ван Хант, но дека тоа апсолутно не е точно.

Додека гостуваше во „The Tonight Show Starring Jimmy Fallon“, 59-годишната добитничка на Оскар ги разјасни гласините што се појавија во последните денови.

– Не реков не. Едноставно немаме одредено датум – објасни таа, а потоа додаде: Секако дека реков дека ќе се омажам за него! Тој стави мал прстен тука.

Сепак, откако го покажа прстенот, излезе дека „мал“ е релативен термин, бидејќи прстенот со голем дијамант веднаш го привлече вниманието на водителот и публиката во студиото.

Бери претходно откри дека Хант ѝ предложил брак минатото лето, но дека ја одложиле одлуката за брак. Двојката се запознала за време на пандемијата во 2020 година, а Хали денес нагласува дека тоа е „најдобрата врска во која некогаш била“.

Актерката зад себе има три брака – со бејзбол играчот Дејвид Џастис, пејачот Ерик Бенет и актерот Оливие Мартинез – како и бурни врски кои често ги исполнуваа насловните страници.

Таа, исто така, искрено зборуваше за личната траума од детството и процесот на самолекување што ѝ помогнал да изгради поздрава врска со љубовта.

Бери има две деца од претходните врски, а Ван Хант има возрасен син.

Денес, актерката ја балансира приватната среќа со активна кариера – наскоро ќе ја видиме во филмот „Crime 101“, заедно со Крис Хемсворт и Марк Рафало, а воедно води и кампањи поврзани со здравјето на жените. Се чини дека Хали Бери конечно го пронајде она во што никогаш не престана да верува – љубов што трае.