Хакиран телефонот на шефицата на кабинет, хакерите се претставувале како неа
Американските медиуми откриваат сериозен хакерски напад врз мобилниот телефон на шефицата на кабинетот на Белата куќа, Сузи Вајлс. Хакерите не само што добиле пристап до нејзиниот именик, туку и се обиделе да контактираат високи владини претставници, претставувајќи се како неа.
Некои од примателите веднаш посомневале дека нешто не е во ред, бидејќи пораките и повиците доаѓале од непознат број. Дополнително сомнеж предизвикало тоа што Вајлс инсистирала комуникацијата да продолжи преку друга апликација – Телеграм.
Вајлс ги известила своите соработници дека телефонот ѝ е хакиран, а случајот веќе го истражува Федералното истражно биро.
– ФБИ исклучително сериозно ги сфаќа сите закани кон претседателот, неговиот персонал и кибербезбедноста. Заштитата на сигурната комуникација на нашите функционери е клучна за исполнување на мисијата на претседателот – изјави директорот на ФБИ, Кеш Пател.
Фото: EPA-EFE/YURI GRIPAS
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
