Граѓаните можат да запишат граѓански обврзници од третата емисија во деловните банки во земјава уште два дена, односно денеска и утре, информира Министерството за финансии.
Понудите се доставуваат во деловните банки во земјава. Износот на една граѓанска обврзница којашто граѓаните можат да ја запишат е 10.000 денари.
Аукцијата е закажана за 12 декември.
Проспектот е објавен на износ од 100 милиони денари. Купонската каматна стапка изнесува 4,5%, а рочноста на обврзницата е 2 години.
Датумот на достасување на обврзниците од оваа емисија е 19 декември 2027 година, а каматата за исплата достасува за првата година на 19 декември 2026 и за втората година на 19 декември 2027 година.
Министерката за финансии Гордана Димитриеска Кочоска деновиве изјави дека интересот за граѓанската обврзница е поголем од очекуваното.
