Европската централна банка воведува нови банкноти на еврото со познати личности

Управниот совет на Европската централна банка (ЕЦБ) избра мотиви за две можни теми за идните банкноти на еврото – „Европска култура: Заеднички културни простори“, која ги истакнува заедничките културни простори и познатите Европејци и „Реки и птици: различноста значи издржливост “, со што се истакнува на издржливоста и различноста во природата на оваа европска институција, а оваа година ќе биде објавен конкурс за дизајн на кој ќе можат да се пријават дизајнери од цела ЕУ.

– Воодушевени сме што можеме да претставиме мотиви од реалниот живот кои ја покажуваат нашата посветеност на Европа и го славиме нејзиното културно наследство и природната средина. Новите банкноти ќе го симболизираат нашиот заеднички европски идентитет и различноста што нè прави посилни – рече претседателката на ЕЦБ, Кристин Лагард.

Темата „Европска култура“ ги слави заедничките културни простори кои го обликувале европскиот идентитет низ вековите. Мотивите за оваа тема прикажуваат различни културни активности и простори, како и познати европски личности кои придонеле за создавање на европското културно наследство во текот на шест века.

- Advertisement -

Во потесниот избор за предната и задната страна на банкнотите се: 5 евра Марија Калас и улични изведувачи, 10 евра Лудвиг ван Бетовен и фестивал на кој пее детски и младински хор, 20 евра Марија Кири и професорка која ги учи нејзините ученици, 50 евра Мигел Де Сервантес и возрасните, момче и девојче во библиотека, 100 евра Леонардо да Винчи и возрасни и деца гледаат уметност и 200 евра Берта фон Затнер и плоштад со дрвја.