Европската комисија планира царини до 25 отсто на американскиот извоз на различни производи во вредност од 22,1 милијарди долари како одговор на наметнатите царини од САД

Европската комисија планира царини до 25 отсто на американскиот извоз на различни производи во вредност од 22,1 милијарди долари како одговор на наметнатите царини од САД, тврди бриселски Политико анализирајќи документ до кој дошол медиумот. Списокот, според документот, вклучува земјоделски и индустриски производи како што се соја, месо, тутун, железо, челик и алуминиум, кои се особено зависни од трансатлантскиот извоз.

ЕУ треба да гласа за тарифите во среда, 9 април.

Политико коментира дека европските „трговски глупаци покажаа необична креативност“ и користат „пасивна агресија“ за да нанесат удар во базата на Трамп. Одговорот, се вели во статијата, ќе биде „можеби помалку агресивен од очекуваното, но ќе биде креативен и ќе ги погоди САД таму каде што најмногу ги боли“.

- Advertisement -

Како пример за оваа креативност американските медиуми ја наведуваат сојата. САД се втор најголем извозник на соја во светот и производителите на соја минатиот месец ја критикувале трговската воинственост на Трамп и го предупредиле дека царините не треба да се сфатат несериозно.

На удар би можеле да бидат и говедското месо од Канзас и Небраска, живината од Луизијана, автоделови од Мичиген, цигари од Флорида и производи од дрво од Северна Каролина, Џорџија и Алабама.

Според документот кој го видел Политико, Европската комисија ќе воведе тарифи и за сладолед од Аризона, ткаенина од Јужна Каролина, електрични ќебиња од Алабама, вратоврски од Флорида, машини за перење од Висконсин и за тестенини од Јужна Каролина.

Статијата завршува со проценка дека „солениот контраефект“ од царините кои ги наметна Трамп за Кина, Канада и ЕУ би можеле да биде загуба од околу 90 милијарди долари од американскиот извоз.

На 2 април Трамп воведен царини за увозот на производи во САД за земји од речиси целиот свет. Стапката за ЕУ изнесува 20 отсто. Набрзо потоа, Унијата предложи царински договор „нула за нула“, но Трамп ја одби понудата велејќи дека за да се тргне новата царина потребно е Европа да купува американска енергија во вредност од 350 милијарди долари.