Германскиот министер за одбрана, Борис Писториус, изјави денеска дека претседателот на САД, Доналд Трамп, направил грешка со тоа што ѝ дал до знаење на Украина дека во овој момент нема да има преговори за пристапување на земјата во НАТО и дека нема да има гаранции за територијална концесија, но дека е праведно барањето на американската администрација Европа да преземе поголем дел од својот одбранбен товар.
Писториус, по пристигнувањето на безбедносната конференција во Минхен, изјави дека претседателот на Русија, Владимир Путин, „не се поместил ниту милиметар“ од својата преговарачката позиција за конфликтот во Украина, па затоа не е во интерес на другата страна да го стори тоа.
– Мислам дека тоа беше несмасно – рече Писториус, коментирајќи ги потезите на американската администрација.
Европа ќе ја поддржува Украина додека не помине сѐ како што треба.
Претседателот на Европскиот совет, Антонио Кошта, и претседателката на Европската комисија, Урсула фон дер Лајен, на средба со шефот на украинската држава, Володимир Зеленски, порачаа дека Европската Унија ќе продолжи со континуирана и стабилна поддршка на Украина сѐ додека не се постигне праведен, сеопфатен и траен мир кој ќе резултира со суверена и просперитетна Украина и ќе ја гарантира нејзината безбедност и безбедноста на Европа.
Како што соопшти Европскиот совет, Кошта и Фон дер Лајен ја изразиле подготвеноста на ЕУ за засилување на позицијата на Украина пред какви било идни преговори и за обезбедување силни безбедносни гаранции на земјата.
Европа мора да ги зголеми трошоците за одбрана
Кошта и Фон дер Лајен ја истакнаа потребата Европејците да ги зголемат трошоците за одбрана, да ги зајакнат своите одбранбени способности и да помогнат во зајакнувањето на украинските вооружени сили.
Конечно, претседателот Кошта и претседателката Фон дер Лајен ја истакнаа нивната подготвеност да ја интензивираат работата за забрзување на процесот на пристапување на Украина во Европската Унија, се додава во соопштението од средбата што се одржа на маргините на Минхенската безбедносна конференција.
