Ескалација на конфликтот меѓу Израел и Либан, ограничен премин низ Хормуз – се обрати и Моџтаба Хамнеи

И покрај прекинот на огнот меѓу САД и Иран, конфликтите на Блискиот Исток продолжуваат. Ескалацијата на конфликтот меѓу Израел и Либан е во тек, а регистрирани се и напади во Саудиска Арабија. Се обрати и иранскиот лидер Моџтаба Хамнеи.

Либанската национална новинска агенција (ННА) објави дека во тек се нови вооружени инциденти во јужен Либан, вклучувајќи артилериско гранатирање на висорамнината Ал-Рејхан во регионот Џезин, како и израелски воздушни напади на неколку локации.

Според ННА, израелски воени авиони го таргетирале градот Ал-Маџадел во округот Тир, додека два напада биле извршени врз градот Ал-Сарафанд во областа Ал-Захрани во раните утрински часови.

- Advertisement -

Погодена е и областа Хирбет ал-Дувеир во предградието на Ал-Бисарија. Ал Џезира објави дека се огласиле сирени во регионот Галилеја во северен Израел поради ракетни истрели од јужен Либан.

Според израелската војска, околу 60 ракети биле испалени кон северен Израел, а во нападите биле користени и ракети со поголем дострел, наводно насочени кон градовите Ашдод и Хаифа.

Локалните власти во Израел, како што објави „Тајмс оф Израел“, изјавија дека ракета испалена од Либан погодила куќа во заедницата Мисгав Ам во близина на границата. Во инцидентот нема повредени, но имало материјална штета.

Ограничен пристап до Ормутскиот теснец
Пристапот до Ормутскиот теснец останува ограничен и под контрола, а сообраќајот на бродовите е значително намален и покрај договорот за прекин на огнот меѓу САД и Иран, изјави шефот на Националната нафтена компанија Абу Даби (ADNOC), Султан Ал Џабер.\

Тој рече дека теснецот „не е отворен“ и дека преминот низ него е „ограничен, условен и контролиран“, објави CNN.

Врховниот лидер на Иран, Моџтаба Хамнеи, синоќа изјави дека Иран ќе премине во нова фаза во управувањето со стратешкиот Ормутски теснец, според неговата порака до јавноста, која беше прочитана на иранската државна телевизија.

Израелскиот премиер Бенјамин Нетанјаху синоќа изјави дека „нема прекин на огнот во Либан“ и дека Израел продолжува да го напаѓа Хезболах.

Напади врз Саудиска Арабија
Саудиска Арабија ги потврди нападите врз своите нафтени и гасни постројки, вклучувајќи го и клучниот гасовод Исток-Запад, објави државната новинска агенција, повикувајќи се на анонимен службеник на Министерството за енергетика.

Во извештајот, објавен во четврток, не е наведено кога се случил нападот, објави CNN.

Израелскиот премиер Бенјамин Нетанјаху синоќа изјави дека „нема да има прекин на огнот во Либан“ и дека Израел продолжува да го напаѓа Хезболах.

Напади врз Саудиска Арабија
Саудиска Арабија ги потврди нападите врз нејзините нафтени и гасни постројки, вклучувајќи го и клучниот гасовод Исток-Запад, објави државната новинска агенција, повикувајќи се на анонимен службеник на Министерството за енергетика.

Во извештајот, објавен во четврток, не се наведува кога се случил нападот, објави Си-Ен-Ен.