Едно лице загина и петмина се повредени во четири одделни сообраќајни несреќи што се случија викендов во земјава.
На 13.07.2025 во 17.21 часот во СВР Битола е пријавено дека на регионалниот пат Битола-Демир Хисар, пред крстосницата за селото Драгарино, Битолско, патничко возило „фолксваген поло“ управувано од А.Ѓ.(45) од селото Загориче, Демирхисарско, излетало од коловозот.
Во несреќата од здобиените повреди, возачот А.Ѓ. починал на самото место, а лекар од Итна медицинска помош констатирал смрт.
Истиот ден, во 06.00 часот во Полициската станица Гевгелија било пријавено дека на локален пат помеѓу селата Богородица и Стојаково, Гевгелиско, патничко возило „опел“, управувано од Ј.П.(18) од Стојаково, излетало од патот. Полицијата утврдила дека возачот го управувал возилото под дејство на алкохол, односно со 1,57 промили алкохол во крвта. Во несреќата со тешки телесни повреди се здобил возачот З.П., констатирани во Медицински центар Гевгелија.
Вчера (13.07.2025) околу 13.30 часот во СВР Велес е пријавено дека на експресниот пат Дреново-Градско, пред приклучокот за автопатот А1, Градско-Велес, патничко возило „фолксваген“, управувано од Н.Р.(27) од Скопје, излетало од коловозот.
Во несреќата со тешки телесни повреди се здобил малолетен сопатник од Куманово, додека со повреди се здобиле возачот и другиот сопатник М.Р.(18) од Куманово, констатирани во Општата болница во Велес.
На 13.07.2025 во 21.20 часот во СВР Тетово е пријавено дека на регионалниот пат Тетово-Пирок, кај селото Горна Речица, Тетовско, се случила сообраќајна несреќа помеѓу патничко возило „смарт“, управувано од Д.Р.(25) од Голема Речица и мопед со тетовски регистарски ознаки, управуван од Р.М.(48) од Мала Речица. Во несреќата со тешки телесни повреди се здобил Р.М., констатирани во Клиничка болница Тетово.
