Двајца преживеани се вратени во Еквадор и во Колумбија за да им се суди

Американскиот претседател Доналд Трамп синоќа соопшти дека американската војска уништила подморница што превезувала голема количина наркотици и пловела кон САД по добро позната рута за трговија со дрога.

„За мене беше чест уништувањето на голема подморница што се користела за трговија со дрога, која се движела кон САД. Американските разузнавачки служби потврдија дека бродот содржел фентанил и други нелегални супстанции“, напиша Трамп на својата социјална мрежа Трут соушл.

Американскиот претседател додаде дека во подморницата имало четворица трговци со дрога, од кои двајца биле убиени.

- Advertisement -

„Двајцата терористи кои преживеале се вратени во нивните земји – Еквадор и Колумбија, за притвор и судска постапка“, објави Трамп.

Тој прецизираше дека во операцијата нема повредени американски воени сили.