Петмина вработени во основно училиште во Токио се полесно повредени откако двајца мажи упаднале во една од училниците, објавија утрово јапонските медиуми, без да прецизираат дали има жртви меѓу учениците.
Полицијата уапси двајца мажи кои скршиле прозорци и влегле во училница со ученици на возраст од седум до осум години, објави телевизијата Фуџи, повикувајќи се на полициски извори.
Инцидентот се случил во училиште во западниот дел на јапонската престолнина.
Телевизијата емитуваше и снимки од спасувачки екипи и полицајци во училиштето.
Насилните злосторства се ретки во Јапонија, која исто така има строги закони за оружје.
