Доктор предупредува за симптоми на срцев удар кои честопати остануваат незабележани

Тивок срцев удар може да помине сосема незабележано, а последиците можат да бидат фатални. Срцев удар се јавува кога снабдувањето со крв на срцевиот мускул е ненадејно прекинато, обично поради згрутчување на крвта. Ако срцето не прима кислород, може да се појави неповратно оштетување на ткивото или смрт.

Иако симптомите како што се силен притисок во градите или отежнато дишење се чести, некои срцеви удари се јавуваат со необични знаци или воопшто без симптоми. Британската фондација за срце (BHF) проценува дека дури една третина од срцевите удари се „тивки“, што значи дека не се препознаваат навреме.

Докторот објаснува: „Не сите срцеви удари изгледаат како што изгледаат во филмовите.“ Д-р Сермед Межер сподели пример на TikTok за пациент кој мислел дека храната му е заглавена во грлото. Се покажа дека станува збор за срцев удар, предизвикан од целосно блокирање на артеријата што го снабдува главниот дел од срцето.

- Advertisement -

„Ваквите срцеви удари може да се манифестираат само како блага непријатност, како што е грутка во грлото или блага отежнато дишење“, вели д-р Межер, истакнувајќи дека атипичните симптоми се особено чести кај жените, пренесува Дејли експрес.

Тој, исто така, предупреди за важноста на навременото препознавање: „Ако чекате предолго, оштетувањето на срцето станува посериозно. Во овој случај, доколку помошта стигнеше само 10 минути подоцна, пациентот веројатно немаше да преживее.“

Тивки срцеви удари можат да се случат кај секого, но тие се почести кај:

постари лица, чии симптоми може да се припишат на други медицински состојби
луѓе со дијабетес, кои може да не чувствуваат болка поради оштетување на нервите
Можни симптоми на срцев удар:

болка во градите (чувство на притисок, стегање или печење)
болка што се шири кон рацете, вилицата, вратот, грбот или стомакот
вртоглавица, гадење, повраќање
потење, отежнато дишење, чувство на вознемиреност
кашлица или свирење во градите