Времето утре ќе биде сончево, најавува Управата за хидрометеоролошки работи.
Утрото ќе биде ведро и посвежо, а преку денот ќе биде сончево и топло. Ќе дува слаб до умерен ветер од јужен правец.
Утринската температура ќе се спушти до 5 степени во Берово. Најтопло ќе биде во Скопје, Велес, Демир Капија и во Гевгелија, со дневна температура до 32 степени.
Во Скопје времето ќе биде сончево и топло. Ќе дува слаб до умерен ветер од јужен правец.
До средината на следната седмица ќе се задржи сончево и топло време.
Од среда ќе има зголемување на облачноста и постепено опаѓање на дневната температура. Ќе дува слаб до умерен јужен ветер.
Фото: УХМР
