Бројот на жртви од поројните поплави во Тексас, на југот на САД, се искачи на 50, додека потрагата по десетици исчезнати деца продолжува

Бројот на жртви од поројните поплави во Тексас, на југот на САД, се искачи на 50, додека потрагата по десетици исчезнати деца продолжува, соопштија локалните власти.

Силните поплави предизвикани од поројните дождови во петокот оставија 43 мртви во најтешко погодениот округ Кер и вкупно седум мртви во три други окрузи, изјавија локалните власти за АФП.

Меѓу исчезнатите се 27 млади девојки од летниот камп „Камп Мистик“. Градскиот менаџер на Кервил, Далтон Рајс, рече дека може да има повеќе исчезнати лица во регионот.

- Advertisement -

Властите претходно соопштија дека водата се повлекува околу реката Гвадалупе, околу 137 километри северозападно од Сан Антонио, каде што беа спасени најмалку 237 лица, од кои повеќе од 100 со хеликоптер.

Претседателот Доналд Трамп рече дека ќе „се погрижи за нив“ кога беше прашан за федералната помош за катастрофи.