БРОЈОТ НА ПРЕВЕЗЕНИ ПАТНИЦИ СО АВТОБУС НАМАЛЕН ЗА 8,5%

Топ Вести - Слушај сега

Во четвртото тримесечје од 2025 година вкупниот број на превезени патници во патничкиот патен превоз изнесува 10.055.000 и е намален за 8,5 проценти во однос на четвртото тримесечје од 2024 година, објави денеска Државниот завод за статистика.

- Advertisement -

Во меѓународниот превоз бројот на превезени патници е намален за 53,3 проценти, во градскиот за 10,4 проценти, во меѓуградскиот за 6,7 проценти, а во приградскиот за 3,6 проценти.

Вкупниот број на патничките километри во последниот квартал од минатата година е 242.740.000 и е намален за 21,7 проценти во однос на истиот период од претходната година. Притоа во градскиот превоз патничките километри се зголемени за 26,4 проценти, а намалени се во меѓународниот за 35,5 проценти, во приградскиот за 3 проценти, а во меѓуградскиот за 1,7 отсто.

Во 2025 година превезени се вкупно 38.739.000 патници со автобус, од кои во градскиот 19.848.000, во приградскиот 15.071.000, во меѓуградскиот 3.303.000, а во меѓународниот 516.000 патници.