Британско-холандската нафтена компанија „Шел“ денеска потврди дека има намера да го распушти заедничката фирма (СП) со руската компанија Роснефт, која е под санкции на САД, во рамките на Конзорциумот за Каспискиот нафтовод (KTK), но дека нема да го продаде својот удел во него

Британско-холандската нафтена компанија „Шел“ денеска потврди дека има намера да го распушти заедничката фирма (СП) со руската компанија Роснефт, која е под санкции на САД, во рамките на Конзорциумот за Каспискиот нафтовод (KTK), но дека нема да го продаде својот удел во него.

Компанијата изјави дека СП не е оперативна единица и нема вработени, туку дека е основана за да овозможи заедничко учество на двете страни во конзорциумот.

Двата нафтени гиганта заеднички поседуваат удел во нафтоводот од Казахстан,„Шел“ планира  да стекне директно сопствеништво на својот удел во конзорциумот со напуштање на СП. Вкупниот удел на „Шел“ во КПК е 7,4%. Ова вклучува 3,75% преку проект со „Роснефт“, 1,75% преку директно учество и 2% преку нејзината подружница „БГ Оверсис Холдинг Лтд“.

- Advertisement -

Доколку процесот биде успешен, Шел сепак ќе задржи удел во Конзорциумот за Каспискиот нафтовод – наместо да го поседува заеднички со санкционираниот руски енергетски гигант.

Уште во март 2022 година, таа компанија вети постепено повлекување од руската нафта и гас поради војната во Украина.

Кремљ не даде никакво објаснување за потенцијалните промени во акционерската структура на проектот КТК, главната извозна рута за казахстанска нафта.

Каспискиот нафтовод транспортира казахстанска нафта до брегот на Црното Море преку Русија, а меѓу акционерите се неколку глобални нафтени компании, како и најголемите руски производители „Роснефт“ и „Лукоил“.

Во изминатите неколку месеци, инфраструктурата на Каспискиот нафтовод беше цел на повеќекратни напади со беспилотни летала што доведоа до привремени суспензии и ограничувања на товарењето на нафта.