Британско австралиската рударската компанија Рио Тинто го одложи проектот за експлоатација на литиум во долината на реката Јадар во западна Србија

Британско австралиската рударската компанија Рио Тинто го одложи проектот за експлоатација на литиум во долината на реката Јадар во западна Србија, пишува Блумберг кој тврди дека имал увид во текстот на меморандумот испратен од компанијата до српската влада.

Според меморандумот испратен оваа недела, проектот Јадар ќе биде ставен во статус на „грижа и одржување“ (конзервиран).

„Со оглед на недостатокот на напредок со дозволите, не сме во позиција да го одржиме истото ниво на распределба на трошоци и ресурси“, се вели во меморандумот.

- Advertisement -

Портпаролот на концернот ја потврди содржината на меморандумот, но одби да даде понатамошен коментар.

Проектот веќе неколку години се соочува со протестите на граѓаните кои се против рудникот, но и со низа законски пречки за негово реализирање.

Областа инаку има богати резерви на литиум.

Наоѓалиштето Јадар, како и самиот минерал јадарит, беа откриени во 2004 година и именувани по реката Јадар.