Австрискиот претставник Јоханес Пич, попознат како Џеј-Џеј, триумфираше во големото финале на Евровизија. Комбинацијата од гласовите на публиката и стручното жири му ја донесе победата, но борбата за првото место беше неизвесна до самиот крај, бидејќи фаворит на публиката беше Израелецот Јувал Рафаел.
Австрија освои вкупно 436 поени, пред Израел со 357 и Естонија со 356 поени.
На својот Инстаграм профил, Џеј-Џеј сподели видео од прославата од зад сцената, каде што беше опкружен со својот тим – вклучувајќи ја и Србинката Теодора Шпириќ, авторка на победничката песна „Wasted Love“.
Тој напиша во описот на видеото: „Ја освоивме Евровизија“, а набрзо следеа бројни честитки.
Теодора Шпириќ, креативен директор на австрискиот тим и коавтор на песната, веќе ѝ е позната на публиката. На Евровизија 2023, таа ја претставуваше Австрија како дел од дуото „Теја и Салена“ со песната „Кој беше Едгар?“ Исто така, во 2020 година, таа настапи на Беовизија со песната „Судниот ден“.
– Таа ме смирува. Таа е најдобрата личност. Многу сум среќна што е со мене – рече Џеј-Џеј.
Теодора додаде дека се пријатели со години, но дека првпат соработувале минатиот август, кога тој ја поканил да напише песна.
Џеј-Џеј ја напиша песната „Wasted Love“ заедно со Томас Тарнер и Теодор.
Но, според предвидувањата за обложување, убедливи фаворити за победа во текот на целиот натпревар беа претставниците на Шведска. Земјата беше претставена од групата KAJ со песна која е посебна по тоа што е првата шведска евровизиска песна на мајчин јазик во последните 27 години.
Она што е особено интересно е што песната од групата KAJ по која фановите на Евровизија полудеа е за сауна.
