Студентите попладнево ќе блокираат три моста во Нови Сад по повод три месеци од падот на настрешницата на железничката станица во тој град. Во 15 часот ќе започне блокадата на Варадинскиот мост, на мостот на слободата и на мостот Жежелев, а студентите најавија дека сами ќе организираат директен пренос од блокадата.
Студентите најавија дека Варадински и Жежељев ќе бидат блокирани три часа, а Мостот на слободата 24 часа.
Ним ќе им се придружат и студенти од Белград кои во четвртокот пешачеа до Нови Сад.
Студентите апелираа протестот да се одвива мирно и без инциденти.
Студентите кои организираат блокади на факултетот денеска за прв пат ќе организираат континуиран пренос на протестот во сопствена режија, објави на социјалните мрежи ПР тимот на Филозофскиот факултет на Универзитетот во Нови Сад. Преносот ќе може да се следи од 15:00 часот на интернет адресата uns.blokada.info, соопштено е.
Студентите побараа од новинарите и граѓаните да го споделат линкот за пренос на што повеќе места, за да можат што повеќе граѓани да го следат протестот.
Преносот на протестот беше најавен и на Јутјуб каналот на Факултетот за технички науки (ФТН). Како што е најавено на официјалниот Х профил на факултетот (@ftn_se_budi), емитувањето ќе започне околу 14 часот на YouTube каналот @FTNsebudi.
