Сопругата на контроверзниот рапер и дизајнер Канје Вест, Австралијанката Бјанка Ценсори, редовно излегува во јавност полугола. Ова беше случај и во Шпанија, каде што таа се шеташе низ пазарот во целосно проѕирен градник и откри сè.
Контроверзната брачна двојка Бјанка Ценсори и Канје Вест беа снимени во Шпанија, поточно на Мајорка, а во оваа прилика сопругата на раперот беше, се чини, поскандалозна и понепристојна од кога било.
Иако сме навикнати на нејзините „храбри“ изданија кои покажуваат дури и премногу, среде бел ден во малото гратче таа покажа дека секогаш може повторно да шокира.
Бјанка носела мрежест градник кој целосно ги откривал нејзините гради, во комбинација со шорцеви со мошне необичен крој, кои едвај ѝ го покривал задникот.
Бјанка сега има темна коса, па многу луѓе не ја препознаваат на прв поглед, а неодамна поради оваа драстична промена, некои ја обвинија дека ја копира поранешната сопруга на Канје, Ким Кардашијан.
Освен темната коса и фризурата со шишки, таа носела и темни очила за сонце, а очигледно била многу расположена и не се осврнувала на љубопитните погледи на минувачите.
Канје, пак, овој пат бил „пристојно“ облечен, во лежерна верзија, а по гласините за разводот на контроверзниот пар, се чини дека, сепак, сè е во најдобар ред и дека се забавуваат подобро од кога било.
