Белата куќа крои таен план за средбата на Алјаска

Белата куќа разгледува можност да го покани украинскиот претседател Володимир Зеленски на Алјаска, каде што на 15 август американскиот претседател Доналд Трамп треба да одржи средба со рускиот претседател Владимир Путин, објави „NBC News“.

Повикувајќи се на изјава од висок американски функционер и уште тројца запознаени со внатрешните разговори, медиумот наведува дека идејата за вклучување на Зеленски во овој настан сè уште е во фаза на разгледување.

Иако планот не е финализиран, а не е ни потврдено дали украинскиот лидер навистина ќе присуствува, во извештајот се истакнува дека неговото присуство на Алјаска останува реална можност, што би можело да донесе дополнителна тежина на средбите меѓу Трамп и Путин.