Баба Мими е едно од најпознатите животни во ЗОО Скопје и најстара во групата шимпанза во Зоолошката

Топ Вести - Слушај сега

Баба Мими е едно од најпознатите животни во ЗОО Скопје и најстара во групата шимпанза во Зоолошката. Родена е во 1962 година и важи за едно од највозрасните шимпанза во Европа, па дури и во светот.

- Advertisement -

Нејзиниот животен пат бил тежок, настапувала во циркус, но бидејќи била болна завршила да живее во цвеќарница во Германија, а потоа поминала период во рехабилитационен центар за спасени примати во Холандија.

Во 2019 година добила нов, мирен дом во Скопје, каде што секојдневно добива посебна нега и внимание од нашите вработени.

– Денес Мими ужива во своето пензионерско секојдневие, со специјална исхрана, медицинска терапија и грижа од зоонегователите. Позната е по мирниот карактер, сака удобност, си прави „гнездо“ од ќебиња и често делува смирувачки на другите шимпанза, нашите Коко и Изи. Најмногу ужива да мириса цвеќиња, нешто што и е останато како навика од долгиот живот во германската цвеќара. Нашата Мимушка е вистински симбол на топлина, грижа и достоинствена старост – велат од скопската Зоолошка.