Авиокомпаниите ќе побараат ЕУ да ја одложи примената на новото правило

Топ Вести - Слушај сега

Европските авиокомпании најавија дека ќе ги оспорат регулативите што ги задолжуваат да употребуваат синтетичко одржливо гориво за авиони (eSAF), поради неговата висока цена и недостиг.

- Advertisement -

Секторот планира формално да побара барем одложување на новите правила на Европската унија што би ги обврзале авиокомпаниите да користат одреден процент на eSAF во своите авиони од 2030 година.

Се очекува барањата да се објават на конференцијата на здружението „Авиокомпании за Европа“ (A4E) што ќе се одржи в четврток.

Според авиокомпаниите, регулативата е премногу строга, нема доволно синтетичко гориво на пазарот, а неговата цена е превисока.

Поголемиот дел од горивото SAF се произведува од рециклирано масло за готвење или животински отпад, чини три до пет пати повеќе од конвенционалното гориво за авиони и сочинува само 0,3% од глобалната понуда.

Според сегашните правила на ЕУ, од 2025 година, 2% од горивото на аеродромите мора да биде SAF, а од 2030 година, тој удел ќе се зголеми на 6%, вклучувајќи 1,2% синтетичко SAF.

До 2035 година, уделот на eSAF треба да се зголеми на 5%.

Здружението ги обединува најголемите европски авиокомпании, вклучувајќи ги Air France-KLM, Lufthansa, Ryanair, easyJet и IAG (сопственик на British Airways).