Украинската министерка за економија, Јулија Свириденко, изјави денеска дека новите американски царини претставуваат значителен товар, но не и критична закана за украинската економија.
Претседателот на САД, Доналд Трамп, синоќа најави царини од најмалку 10% за увозот од сите земји, додека за стоката од Европската Унија царинската стапка ќе изнесува 20%.
„Што значат новите американски царини за Украина? Товар се, но не и критични“, напиша Свириденко на социјалната мрежа Икс.
Таа додаде дека Украина минатата година извезла стоки во вредност од 874 милиони долари, додека, пак, увозот од САД достигнал 3,4 милијарди долари
