Алиу најави дека многу скоро граѓаните ќе ги почувствуваат новините

За функционирањето на системот Мој Термин и новините кои се планирани во оваа област денеска разговараа министерот за здравство, Азир Алиу и директорот на Управата за електронско здравство, Фикрет Шабани, соопшти Министерството за здравство.

– Системот Мој Термин е едно од местата каде што нашите граѓани најмногу ја чувствуваат потребата од брза, достапна, правична и транспарентна услуга. Еден од нашите приоритети е реформа на Мој Термин, со цел креирање поедноставен, побрз и подостапен систем. Правиме платформа што не создава бариери, туку отвора врати, што функционира во реално време и им дава на граѓаните сигурност дека се приоритет – изјави министерот Алиу.

Алиу рече дека многу скоро оваа промена граѓаните ќе ја почувствуваат не само на екраните, туку и во нивното секојдневие.