Актерката го изрекламира својот бренд за долна облека на најдобар можен начин
Топ Вести - Слушај сега
0:00
0:00
Холивудската актерка Сидни Свини влезе во светот на модата и претприемништвото. Таа го претстави својот бренд за долна облека „Сајрен“ (Syrn), кој, како што објаснува, произлегол од фактот што голем дел од женската долна облека изгледа атрактивно, но не нуди вистинска удобност.
Според неа, целта била да се создаде долна облека што функционира во реалниот живот, без притисок и наметнати стандарди.
– Сакав да изградам бренд за долна облека кој ќе изгледа како да ги разбира жените, наместо да им се обраќа. Syrn е бренд за самодоверба без притисок, чувство на секси, моќно, нежно, разиграно или сè од горенаведеното, во зависност од денот. Како единствен основач, мојата визија беше да создадам нешто што живее во реалниот живот и не ограничува никого – вели актерката во ексклузивно интервју за „Ел“.
Една од клучните карактеристики на брендот на Свини е широкиот распон на големини. Производите ќе бидат достапни во 44 различни големини – од 30Б до 42ДДД, што ретко се среќава во стандардната понуда на долна облека.
Свини нагласува дека лично била вклучена во сите фази на развојот – од дизајнот на моделите до креативниот концепт.
Неодамна, веројатно возбудена поради новиот почеток, Свини за време на ноќно снимање за промотивно видео за нејзината нова линија долна облека, се искачила на холивудскиот знак и го „украсила“ со градници.
Поради ова, таа може да се соочи со правни последици.
Инаку, „Сајрен“ официјално стартува со продажба денес (28 јануари) и на почеток производите ќе бидат достапни на американскиот пазар. Според најавите, поголемиот дел од асортиманот ќе се продава по цена под 100 долари.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
