300 КОМПАНИИ ЌЕ ДОБИЈАТ ДРЖАВНА ПОМОШ ЗА ЕНЕРГЕТСКА ТРАНСФОРМИРАЦИЈА

Топ Вести - Слушај сега

Вкупно 300 компании ќе бидат поддржани со грантови во вкупен износ од 25 милиони евра за енергетска трансформација, најави денеска премиерот Христијан Мицкоски.

- Advertisement -

Тој рече дека енергетската трансформација треба да се одвива чекот по чекор за да не се направи штета на индустријата.

– Да, за енергетската трансформација, но треба да сме многу внимателни. Затоа што не сум сигурен, а тоа се сложија и голем број од учесниците на тие панели, дека со таа енергетска трансформација, ние можеме на долг рок да генерираме базна енергија којашто е потребна на индустријата за потребите на самата индустрија. Тоа треба да се одвива чекор по чекор, затоа што секоја избрзана постапка може да направи штета по индустријата и по државата. Но, колку за информација за компаниите, некаде околу 300 компании се предвидени да бидат поддржани со овие грантови во вкупен износ од 25 милиони евра и наскоро ќе има и за тоа објава во јавноста и јавен повик – рече Мицкоски.