Брнабиќ: Државата покажува неразумно толерантен однос кон насилството

Претседателката на српското Собрание Ана Брнабиќ изјави дека државата, соочена со насилство, за што ги обвини студентите во блокадата и опозицијата, „покажува повеќе од толерантен однос, некако сосема, неразумно толерантен однос за да го зачува мирот, но и да демонстрира капацитет за демократија“.

Дадовме пример за сите оние кои сакаат да се нарекуваат големи и прогресивни демократии“, изјави Брнабиќ за ТВ Хепи.

Според неа, доколку Србија беше „поразвиена земја во Европската унија, како што ги нарекуваат развиените западни демократии како Германија, Франција, Холандија, ова ќе заврши многу брзо“.

- Advertisement -

„Првиот ден жандармеријата ќе излезеше на улица и ќе го расчистеше, ќе ги апсеше сите и тоа ќе биде тоа. Во Велика Британија, кога некој само планираше, да речеме, да блокира пат, пред да го направи тоа, полицијата ќе им втурнеше во домовите, со сите тие алатки за кршење на вратите, ќе ги апсеше и ќе ги осудат на години затвор“, рече Брнабиќ.

„Да го направевме тоа во Србија, сите од Брисел до некој друг западен центар на моќ веднаш ќе дојдеа по нас, велејќи дека не сме демократија“, рече таа.

Таа изјави дека „правдата е бавна, но остварлива“.

„Кој учествува во насилството на крајот ќе одговара на демократски начин и пред институциите, а тоа важи и за пратениците“, рече Брнабиќ, додавајќи дека како претседателка на српскиот парламент ќе инсистира институциите да си ја завршат работата.