Зеленски изјави дека Русија ги уништила украинските енергетски капацитети во регионите Суми и Дњепропетровск

Претседателот на Украина, Володимир Зеленски, изјави дека Русија ги уништила украинските енергетски капацитети во регионите Суми и Дњепропетровск.

„Дрон удри во трафостаница во североисточниот дел на регионот Суми, а при артилериското гранатирање беа погодени електрични кабли во реонот на Дњепропетровск, поради што речиси 4.000 луѓе останаа без струја“, објави Зеленски во социјалната мрежа Икс.

На крајот на минатиот месец, Украина и Русија се договорија со САД да ги прекинат нападите врз енергетската инфраструктура во рок од 30 дена, иако двете страни продолжуваат меѓусебно да се обвинуваат за прекршување на договорот.