Загинало 14-годишно девојче откако се удрило во дрво

Трагедија ја погоди Словенија, кога на скијачката патека на ски-центарот Соришка загина дете, кое скијајќи излегло надвор од предвидениот простор на скијачката патека и се удрило во дрво. Од тешки повреди детето починало на самото место.

Според неофицијални информации, 14-годишно девојче се удрило во дрво на заледена скијачка патека. И покрај итната реанимација, девојчето починало на местото на несреќата поради тешките повреди, објави РТВ Словенија.

За расветлување на сите околности на овој настан, полицијата во Шкофја Лока ги замолува сите сведоци кои ја виделе несреќата или имаат некаква информација да се обратат во Полициската станица Шкофја Лока.