Српскиот претседател Александар Вучиќ доцна синоќа на својот Инстаграм објави видео во кое упатува повик до граѓаните ширум земјата да учествуваат во „борбата за својата татковина преку ненасилни, демократски средства“.
„Расте отпорот, бунтот и незадоволството на народот од теророт на кој луѓето беа изложени во последните четири месеци и наскоро ќе има повик до луѓето, до луѓето низ Србија, да се борат за својата земја, да се борат за својата Србија, со мирни, демократски средства, не со насилство, а не како што некои други го направија тоа“, рече Вучиќ.
„Србија се крева“
„Добивме информации дека ќе не спречат мирно да протестираме против нивниот терор. Народот на Србија веќе не се плаши од никого и ништо, ниту од блокатори, ниту од политичките терористи кои фрлаат солзавец во парламентот, ниту од никого.
„Србија се крева. Секој може да падне, но силата на Србија е што секогаш се исправа со неверојатна брзина, се исправа и се бори за својата иднина. Да живее Србија, чекајте го повикот, се гледаме наскоро“, нагласи Вучиќ.
