Времето денеска ќе биде променливо облачно, во западните делови со повремени локални врнежи од дожд

Времето денеска ќе биде променливо облачно, во западните делови со повремени локални врнежи од дожд. Ќе дува слаб до умерен ветер од јужен и југоисточен правец. Температурите ќе бидат во интервал од 5 до 20 степени.

Во Скопје ќе биде променливо облачно со кратки сончеви периоди. Ќе дува слаб до умерен ветер од југоисточен правец. Температурите ќе достигнат 18 степени.

Од денеска, 14 април, следува период на променливо облачно и нестабилно време со повремени локални врнежи од дожд. Наместа ќе има услови за појава на грмежи. Ќе дува умерен, повремено засилен јужен ветер.