Воздухопловните сили на Јужна Кореја денеска соопштија дека еден од нивните борбени авиони случајно фрлил осум бомби на погрешно место за време на тренинг вежба, што резултирало со повреди на 7 цивили

Воздухопловните сили на Јужна Кореја денеска соопштија дека еден од нивните борбени авиони случајно фрлил осум бомби на погрешно место за време на тренинг вежба, што резултирало со повреди на 7 цивили.

Две лица се здобиле со тешки телесни повреди, додека останатите се здобиле со скршеници, но сите останале свесни, а повредените се пренесени на лекување во болница.

Во инцидентот се уништени куќи, возила..

- Advertisement -

„Осум бомби за општа намена МК-82 беа случајно ослободени од авион КФ-16 на воздухопловните сили, слетувајќи надвор од назначениот опсег за стрелање“, соопшти Военото воздухопловство.

Инцидентот се случил во Почеон, околу 25 километри јужно од силно утврдената граница со нуклеарно вооружениот Север.

„Длабоко жалиме за ненамерното ослободување на бомбите, што резултираше со цивилни жртви, а на повредените им посакуваме брзо закрепнување“, се вели во соопштението на воздухопловните сили.

Тие соопштија дека формирале комитет за одговор на несреќи за да го истражи инцидентот и посочија дека „ќе ги преземат сите неопходни мерки, вклучително и компензација за штетите“.

Воздухопловните сили соопштија дека воениот авион „учествувал во заедничка вежба во која учествуваат и воздухопловните сили и армијата“.