Во Црна Гора татко си ја убил 2-годишната ќеркичка, па се самоубил

Телата на татко и на ќерка биле пронајдени во Голија, околу 50 километри од Никшиќ, Црна Гора. Како што дознаваат медиумите, станува збор за убиство и за самоубиство, објави српска Република.

Според информациите до кои дошле медиумите, по расправија со својата вонбрачна сопруга, 34-годишниот Ж. Д. заедно со својата 2-годишна ќерка се оддалечил во непознат правец.

По пријавата, полицијата веднаш презела мерки за пронаоѓање на Ж. Д.

- Advertisement -

Подоцна, таткото на Ж. Д. пријавил во полиција дека се случила семејна трагедија и дека во Голија ги пронашол безживотните тела на своите син и внука, при што постои сериозно сомневање дека станува збор за убиство и за самоубиство.

На местото на настанот веднаш биле испратени полициски службеници и екипа на Итната медицинска помош, која ја констатирала смртта на двете лица.

Досега преземените полициско-обвинителски мерки укажуваат на тоа дека Ж. Д. првин си ја убил малолетната ќерка, а потоа извршил самоубиство со огнено оружје.