Во САД сериозно се размислува за поместување на границата за целосно пензионирање на 70 години. Ти причини се наведуваат како поткрепа на овој преслог – промената на демографијата, зголемениот животен век и зголемениот притисок врз буџетот за социјално осигурување на САД.
Сега возраста за целосно пензионирање (FRA) во САД е помеѓу 66 и 67 години, во зависност од годината на раѓање.
Комесарјатот за социјално осигурување веќе алармира дека средствата на програмата би можеле да пресушат уште во 2034 година, ако нешто не се преземе веднаш.
„Без нови приходи или намалување на трошоците, плаќањата би можеле да се намалат за сите.Луѓето живеат подолго, па затоа добиваат пензија повеќе години отколку порано. Помалку работници финансираат повеќе пензионери, што создава огромен фискален притисок“, се наведува во извештајот на овој комерсарјат.
Доколку се помести ограничувањето на пензијата на 70 години, оние кои сакаат да се пензионираат порано би добиле значително пониска месечна исплата. Така пензионирањето на 62 години би можело да го намали износот на пензијата за 30 до 35%.
Оние во триесеттите и четириесеттите години треба да обрнат посебно внимание. За нив е планирана нова пензиска политика, додека сегашните пензионери и оние кои се блиску до пензионирање веројатно би останале според старите правила.
Во дебатата се активни и алтернативи на повисоката старосна граница. Меѓу нив се укинување на горната граница за данок на доход, за богатите да придонесуваат повеќе, мамалување на пензиите за лицата со високи приходи и воведување тест за средства за право на целосна пензија.
